Сеќавање на жртвите во нападите на 11-ти септември во САД

Денес, на 12ти Септември 2017 година, Амбасадата на Соединетите Американски Држави во Скопје, го одбележа Американскиот национален ден на служба и сеќавање на жртвите ( 11 септември ) преку крваодарителска и прехранбено – собирна акција во соработка со Црвениот крст и Институтот за трансвузиона медицина каде присуствуваа генералниот секретар на Црвен крст на РМ, г-дин Саит Саити, амбасадорот на Соединетите Американски Држави, г-дин Џес Бејли, пратеници, министри, професори и волонтери на Црвениот крст на РМ.

Овој настан инспирира надеж и потсетува дека солидарноста треба да се издигне на уште повисоко рамниште, да се продолжи традицијата која трае веќе девет години и стана синоним за одговор на современите предизвици. Преку оваа крводарителска и собирна акција уште еднаш ги артикулираме различностите и ги претвараме во хуманитарни ефекти.

Да се биде солидарен кон другите е универзално чувство кое ни помага да ги надминеме страдањата од минатото, да се свртиме кон иднината. Денес се солидаризираме со болните, повредените, оние кои имаат потреба од хуманитарна помош. Се солидаризираме и покажуваме дека никој на овој свет не треба да се чувствува заборавен – изјави генералниот секретар на Црвен крст на РМ, г-дин Саит Саити.