Средба на Генералниот секретар на Црвениот крст Саит Саити со Претседателот на Грчкиот Црвен крст Антониос Авгеринос

Денеска во Атина во просториите на Грчкиот Црвен крст е остварена средба помеѓу Генералниот секретар на Црвениот крст на РСМ д-р Саит Саити и Претседателот на Грчкиот Црвен крст г-дин Антониос Авгеринос. Средбата помина во исклучително пријатна атмосфера на која беше констатирана добрата досегашна соработка но беше и истакнат големиот потенцијал за идна соработка. Беше договорено во најскоро време да се потпише меморандум за соработка помеѓу двете национални друштва, беше потенцирана потребата од размена на практики и искуства како и потребата за создавање на заеднички капацитети за аплицирање на заеднички проекти со посебен акцент на проекти финансирани од ЕУ. Двајцата соговорници заклучија дека евентуалните пропуштени можности преку една фокусирана соработка може да се надоместат и да се претворат во позитивни хуманитарни ефекти. Се заклучи дека Црвениот крст односно двете национални друштва може да бидат добар катализатор и да придонесат во квалитативно унапредување на меѓусебната соработка.
Претседателот ја прифати поканата во најскоро време да го посети нашето национално друштво.