ПОПЛАВА СО ПОГОЛЕМ БРОЈ ПОВРЕДЕНИ И ДАВЕНИЦИ

На 26. 10. 2016 година во Велес се одржа симулациона вежба  „ “ во организација на Министерството за здравство на РМ и СЗО регионална канцеларија Скопје и Црвениот крст на Р.Македонија. На вежбата учество земаа ИМП Велес, Општа Болница – Велес, МВР, ПП-Велес, ЦУК, ДЗС, Црвен крст на РМ,Општинска организација Велес.

Целта на вежбата беше да се подигне степенот на подготовка при кризни состојби, во рамките на приоритетот за Здравствена безбедност, одговор и подготовка при кризни состојби.

Имено, според сценариото на 26 октомври (среда), 2016 година, како резултат на пороен и силен дожд реката Вардар се излеа во градското подрачје и ги поплави околните куќи (на локацијата меѓуградска автобуска станица, градско Пазариште). При поплавата имаше повредени и давеници кои сеуште покажуваа знаци на живот. Заради поплавата околу 12 лица, поголемиот дел со повреди и помал број давеници кои сеуште покажуваа знаци на живот, требаше да им биде укажана итна медицинска помош и да бидат евакуирани.

Црвениот крст на Република Македонија во соработка со Општинската организација на Црвениот крст Велес го дадоа својот придонес во одржувањето на оваа вежба, така што обезбедија волонтери кои глумеа повредени, тим за спасување на вода кои ги вадеа давениците од реката Вардар, како и шминкери кои реалистично ги прикажаа повредите. Со оваа активност, волонтерите придонесоа вежбата да биде по реална, а условите за работа на екипите да бидат значително отежнати односно реални.