Предавање на хуманитарна помош за мигрантите

Во напорите кои се преземаат од страна на државата за обезбедување  на хуманитарна поддршка за мигрантите кои транзитираат низ Македонија, активно е вклучен Црвениот крст на РМ кој обезбедува итна прва помош и материјална поддршка за мигранското население.

Во таа насока Владата на Република Бугарија обезбеди донација на Владата на Република Македонија која се состои во  храна и вода за пиење во вкупна вредност од 13.416 евра.

Дистрибуцијата на хуманитарната помош наменета за мигрантите ќе ја  реализира Црвениот крст на Република Македонија.

Хуманитарната помош ќе се предаде денес во 16.30 часот во магацинот на Црвениот крст на РМ во Момин Поток, Скопје.