Средба со семејства на починатите лица во пожарот од 08.09.2021 година во Ковид центарот во Тетово

На 11.12.2021 година делегација со претставници од Турската Црвена полумесечина, Швајцарската организација „For Children Smiles” и Црвениот крст на Република Северна Македонија, во просториите на општинската организација на Црвен крст Тетово оствари средба со претставници од семејства на лицата кои починаа во пожарот во ковид центарот во Тетово кој се случи на 08.09.2021 година. Со поддршка на Турската ЦП и организацијата „For Children Smiles” се обезбеди финансиска поддрка од вкупно 10 000 евра кои се префрлија на сметките на семејствата на починатите. За време на одржаната средба беше искажана благодарност за добиената поддршка, како и задоволство од грижата која беше искажана од сите донатори преку Црвениот крст на Република Северна Македонија.