U shënuan 79 vjetori i Kryqit të Kuq dhe Dita e dhurimit të gjakut

Kryqi i Kuq i Republikës së Maqedonisë së Veriut këtë vit feston 79 vjet nga themelimi i Organizatës dhe 29 vjet nga anëtarësimi i plotë në Federatën Ndërkombëtare të Shoqatave të Kryqit të Kuq dhe Gjysmëhënës së Kuqe.

79 vjetori i Kryqit të Kuq të Republikës së Maqedonisë së Veriut dhe Dita e Dhurimit të Gjakut u shënua sot me një manifestim solemn në Hotel Hilton – Shkup.

Kryetari i Kryqit të Kuq të Republikës së Maqedonisë së Veriut, prof. Dr. Romel Velev, Sekretari i Përgjithshëm i Kryqit të Kuq të RMV Dr. Sait Saiti, Ministri i Shëndetësisë Dr. Ilir Demiri, drejtori i ITM, z. Armen Grigorian, përfaqësues i përhershëm i UNDP-së, dhurues gjaku, vullnetarë dhe mysafirë të tjerë.

Fjalim mbajtën Kryetari i Kryqit të Kuq të Republikës së Maqedonisë së Veriut, prof. Dr. Romel Velev dhe Ministri i Shëndetësisë Dr. Ilir Demiri.

Në vetë manifestimin u nënshkrua një memorandum bashkëpunimi ndërmjet Kryqit të Kuq të RMV -së dhe UNDP-së me qëllim të thellimit të bashkëpunimit të ndërsjellë mes dy organizatave.

Me rastin e ditës së dhurimit të gjakut në RMV, Kryqi i Kuq, në shenjë falënderimi, ndau mirënjohjet përkatëse për 20 organizata komunale të Kryqit të Kuq që përmbushën planin e dhurimit të gjakut për vitin 2023.