Kryqi i Kuq e zgjëron vëllimin e aktiviteteve të veta si përgjigje në pandeminë prej Kovid-19

Nëpërmjet aktivizimit të ekipeve mobile plotësuese për përkrahje të kategorive të mjeruara të qytetarëve dhe sigurimin e materialeve të patjetërsueshme për Klinikën për sëmundje infektive në Shkup, Kryqi i Kuq i Republikës së Maqedonisë së Veriut e zgjëron vëllimin e aktiviteteve të veta në luftën kundër virusit korona. Mjetet financiare për realizimin e këtyre aktiviteteve të Kryqit të Kuq janë siguruar nga Fondacioni i kompanisë Coca Cola dhe Birraria Shkup.

Përkrahje për aktivitetet e Kryqit të Kuq dha edhe kryetari i shtetit i cili e vizitoi organizatën dhe u takua me anëtarët e ekipeve mobile, duke shprehur falënderim për punën e tyre.

Shërbime japin 37 ekipe mobile të cilët janë të angazhuar për përkrahje logjistike grupeve të mjeruara qëllimore nga popullata e territorit në të gjithë vendin. Të gjitha ekipet mobile janë aktive çdo ditë, ndërsa detyra e tyre është që të kryejnë furinizim të patjetërsueshëm të barrërave, prodhimeve ushqimore dhe mjeteve për higjienë personale dhe të njëjtat t’i dërgojnë në shtëpite e personave të moshuar, dhe tek ata të cilët jetojnë vetë, të sëmurit kronik, tek familjet që kanë persona me nevoja të posaçme, prindër që jetojnë vetë dhe kategori tjera të mjeruara të qytetarëve në gjithë territorin e vendit, që ata të mos kenë nevojë t’i lëshojnë shtëpitë e tyre, me çka do të ndalohet përhapja e virusit korona. Shërbimin të cilin e sigurojnë ekipet mobile është pa pagesë, ndërsa qytetarët i paguajnë vetëm artikujt apo barrërat të cilat ua blejnë.

Që të mundësohet efikasitet dhe operativitet më i madh i ekipeve mobile, janë siguruar edhe dy automjete shtesë të cilat u janë dhënë në shërbim për nevojat e tyre.

Numrat e telefonave ku qytetarët mund të kërkojnë asistencë nga ekipet mobile, si dhe renditja kohore e funksionimit të tyre janë shpallur në tabelën më poshtë, si dhe në ueb faqen e Kryqit të Kuq – ckrm.org.mk

Janë angazhuar edhe tri motra medicinale të cilat kryejnë vizitë shtëpiake në territorin e qytetit të Shkupit. Detyra e tyre do të jetë të kryejnë vizita për personat e moshuar dhe ata të pafuqishëm në kushte shtëpiake, me qëllim kujdes primar për shëndetin e tyre, ndihmë në dhënien e terapisë ditore me medikamente të shkruara nga mjeku amë, kontrollim i shtypjes së gjakut dhe sheqerit në gjak, si dhe përkrahje psikosociale.

Në mënyrë plotësuese, në bashkëpunim me Ministrinë e shëndetësë, nga lista e nevojave prioritare për entet shëndetësore janë siguruar materiale të patjetërsueshme për nevojat e Klinikës për sëmundje infektive në Shkup, si dhe përkrahje në kushte të frekuentimit të rritur të pacientëve.