Gëzuar 5 Dhjetorin, Ditën Botërore të Vullnetarëve

Më 5 dhjetor, Dita Botërore e Vullnetarëve festohet në të gjithë botën. Mbi 16 milionë vullnetarë në botë përfshihen aktivisht në aktivitetet e shoqatave kombëtare të Kryqit të Kuq dhe Gjysmëhënës së Kuqe çdo vit.

Kryqi i Kuq i RMV këtë vit e feston këtë ditë nën moton “Në mbrojtje të humanizmit”. Manifestimi qendror u organizua në hotelin DoubleThree Hilton në Shkup në prani të vullnetarëve të shumtë nga organizatat komunale të Kryqit të Kuq dhe Kryqit të Kuq të Qytetit të Shkupit. Në këtë rast foli kryetari i Kryqit të Kuq të RMV Prof. Dr. Romel Velev i cili vlerësoi kontributin e vullnetarëve të Kryqit të Kuq të cilët i përkasin të gjitha gjeneratave, nga më të rinjtë e deri tek më të vjetrit, të cilët ofrojnë mbështetje për realizimin e aktiviteteve tona në komunitet.

Në këtë ngjarje, Kryqi i Kuq i RMV shprehu mirënjohjen publike për të gjithë vullnetarët në vend për kontributin e tyre në zhvillimin e organizatës dhe ofrimin e mbështetjes për zbatimin e aktiviteteve të shoqatës kombëtare.