Ndihmë humanitare për Brezën dhe Mëhallën e Malinës

Kryqi i kuq i Republikës së Maqedonisë në bashkëpunim me ARM-në më 12 janar të vitit 2019 në fshatrat e zënë nga bora të Shkupit, Breza dhe Mëhalla e Malinës, me helikopter të ARM-së dërgoi ndihma humanitare prej 1000 kg në pako ushqimore, pako higjienike, rroba, batanije etj.

Aktivitetet janë duke vazhduar edhe për fshatin e zënë nga bora të Shkupit, Tanushën, që për shkak të kushteve të këqija të motit (mjegullës), ushqimet dhe mjetet materiale nuk janë dërguar të njëjtën ditën për popullsinë lokale.