U mbajt një aksion i jashtëzakonshëm i dhurimit të gjakut me pjesëtarë të ARM-së

Më 19 korrik të vitit 2017 në Shtëpinë e ARM-së në Shkup u mbajt një aksion i jashtëzakonshëm i dhurimit të gjakut me pjesëtarë të ARM-së me rastin e 25-vjetorit të ARM-së.

Aksioni i dhurimi të gjakut u organizua nga ana e Kryqit të kuq të Republikës së Maqedonisë, Seksionit të Bashkëpunimit Civil-Ushtarak të Shtatmadhorisë së ARM-së dhe Institutit të Mjekësisë së Transfuzionit. Pjesëmarrja ishte e madhe dhe në këtë aksion të jashtëzakonshëm të dhurimit të gjakut dhuruan gjak 200 pjesëtarë të ARM-së të Garnizonit të Shkupit.

Gjatë aksionit të dhurimit të gjakut pati një pjesë solemne në të cilën u dhanë mirënjohje jubilare për dhurues të shumëfishtë të gjakut nga radhët e pjesëtarëve të ARM-së. Mirënjohjet jubilare i dhanë Ministrja e Mbrojtjes z-ja Radmilla Sheqerinska, Shefi i Shtatmadhorisë së ARM-së z. Metodija Veliçkovski, Sekretari i Përgjithshëm i Kryqit të kuq të Republikës së Maqedonisë z. Sait Saiti dhe Drejtorja e Institutit të Mjekësisë së Transfuzionit z-ja Emilja Vellkova.