U realizua takim me Ambasadoren e Ukrainës në Maqedoninë e Veriut

Më 28 shkurt 2022 u mbajt takimi i Sekretarit të Përgjithshëm të Kryqit të Kuq të RMV Dr. Sait Saiti dhe Ambasadores së Ukrainës në Republikën e Maqedonisë Veriore Dr. Natalia Zadoruzhnik.

Gjatë takimit, ambasadorja e Ukrainës Zadorozhnyuk informoi për iniciativat aktuale për të mbështetur popullsinë e Ukrainës, e cila është e prekur nga konflikti 8-vjeçar mes vendit dhe Rusisë fqinje, i cili është përshkallëzuar ditët e fundit me një konflikt të armatosur. Situata është e monitoruar dhe në përputhje me nevojat e popullatës, Ambasada është e gatshme të iniciojë aktivitete për mobilizimin e ndihmave humanitare.

Sekretari i Përgjithshëm i Kryqit të Kuq të RMV Saiti shprehu ngushëllimet dhe mbështetjen e tij për popullatën e prekur dhe gatishmërinë për të ndihmuar iniciativën e Ambasadës për të ofruar mbështetje shtesë humanitare. Ai gjithashtu informoi se Kryqi i Kuq RMV tashmë është në kontakt me organizatat partnere të Lëvizjes së Kryqit të Kuq dhe Gjysmëhënës së Kuqe dhe në mënyrë proaktive ka filluar mobilizimin e mjeteve në strukturën e Kryqit të Kuq të RMV-së dhe me donacione të qytetarëve përmes telefonit me thirrje për linja të hapura posaçërisht për donacione.