Java e mbrojtjes së shëndetit të dhëmbëve 15 -21 dhjetor 2020
Kryqi i Kuq i Republikës së Maqedonisë së Veriut në periudhën nga 15-21 Dhjetor 2020. do të shënojë Javën e mbrojtjes së shëndetit të dhëmbëve me moton: Shprehi të shëndetshme në jetë për buzëqeshje të shëndetshme. Në këtë mënyrë ne duam të rrisim ndërgjegjësimin e publikut për rëndësinë e shëndetit oral, i cili është një tregues kryesor i shëndetit të përgjithshëm, mirëqenies dhe cilësisë së jetës. Shumica e sëmundjeve dhe kushteve të gojës kanë faktorë të përbashkët të rrezikut të modifikuar me sëmundje kronike jo-ngjitëse kryesore (sëmundje kardiovaskulare, kancer, sëmundje kronike të frymëmarrjes dhe diabet). Këta faktorë rreziku përfshijnë përdorimin e duhanit, konsumimin e alkoolit dhe një dietë jo të shëndetshme të pasur me sheqerna të rafinuar. Ekziston një lidhje e provuar midis shëndetit oral dhe shëndetit të përgjithshëm. Diabeti mellitus është treguar i lidhur me zhvillimin dhe përparimin e parodontitit.
Fakte kyçe
- Sëmundjet e gojës paraqesin një barrë të madhe shëndetësore për shumë vende dhe prekin njerëzit gjatë gjithë jetës së tyre, duke shkaktuar dhimbje, shqetësime, shtrembërime dhe madje edhe vdekje.
- Është vlersësuar se sëmundjet e gojës ndikojnë në rreth 3,5 miljard njerëz.
- Kariesi dentar i patrajtuar në dhëmbët e përhershëm është gjendja më e zakonshme shëndetësore sipas studimit për Sëmundjet Globale të kryer në 2017.
- Më shumë se 530 milion fëmijë vuajnë nga prishja e dhëmbëve primar (dhëmbët e qumështit).
- Gati 10% e popullsisë globale vuan nga një formë e përparuar e sëmundjes periodontale që mund të rezultojë në humbjen e dhëmbëve.
- Faktorët që kontribuojnë në sëmundjet e gojës janë ushqimi jo i shëndetshëm i pasur me sheqer, përdorimi i duhanit dhe alkoolit.
- Higjiena e mirë, ekzaminimet e rregullta dentare dhe një mënyrë jetese e shëndetshme kontribuojnë në mbrojtjen e shëndetit oral, pavarësisht nga mosha.
- Shumica e sëmundjeve orale janë kryesisht të parandalueshme dhe mund të trajtohen në një fazë të hershme.
