Kryqi i kuq shpëtoi dy persona të zhdukur dhe dy të lënduar në Vodno

Qytetarët i joshi moti me diell dhe i ngrohtë për të dalë dhe për të shëtitur, e për të bërë rekreacion në Vodno. Por, gjatë kësaj fundjave ekipi i shpëtimit në pyll i Kryqit të  kuq në stacionin pyjor në Vodno pati disa intervenime.

Në kuadër të kujdestarive të rregullta, ekipi ka trajtuar dy lëndime fizike dhe ka shpëtuar dy persona të humbur.

Ekipi ka trajtuar një parakrah të thyer të një nxënësi gjatë një rënie nga biçikleta në një rrugë të shtruar me asfalt dhe ka mjekuar një këmbë të djathtë me një prerje të thellë të një nxënësi tjetër. Ekipi është përfshirë edhe në kërkim të dy personave të humbur, të cilët pasi janë gjetur janë nxjerrë në mënyrë të sigurt me litarë nga një terren vështirë i kalueshëm dhe i paarritshëm për të lëvizur dhe për t’u ngjitur.