21 Mars, 2022

77 vjet nga themelimi i Kryqit të Kuq të RMV-së

Sot në h. Limak, 17 mars – Dita e themelimit të Kryqit të Kuq të RMV-së dhe Dita e Dhurimit të Gjakut në RMV u shënua me një ngjarje të përshtatshme. Në këtë ngjarje morën pjesë kryeministri i RMV-së – Dimitar Kovaçevski, kryetari i Kryqit të Kuq të RMV-së Romell Velev, Sekretari i Përgjithshëm i Kryqit të Kuq të RMV-së Sait Saiti, përfaqësues të institucioneve, organizatave ndërkombëtare në vend, si dhe përfaqësues të organizatave komunale të Kryqit të Kuq.

Në këtë ngjarje fjalim mbajti Sekretari i Përgjithshëm i Kryqit të Kuq, i cili theksoi rëndësinë e jubileut të 77-vjetorit të themelimit të Kryqit të Kuq të RMV dhe na kujtoi të gjitha arritjet tona të deritanishme, thellësisht të vetëdijshëm se duhet të jemi në hap me kohën dhe të jemi të përgatitur për të transformuar dhe përshtatur punën tonë ndaj sfidave të reja.

Në fjalimin e tij, kryeministri theksoi se Kryqi i Kuq është simbol i unitetit të të gjithë humanistëve, dhuruesve të gjakut, të gjithë vullnetarëve dhe dhuruesve të ndihmës për njerëzit në mbarë botën, për kategoritë e qytetarëve që në një moment u gjendën në një situatë të papërshtatshme. Në të njëjtën kohë, ai shfrytëzoi rastin për t’iu bashkuar Kryqit të Kuq si vullnetar në këtë datë të rëndësishme. Për bashkëpunimin e suksesshëm me Qeverinë e RMV-së dhe përpjekjet e veçanta në realizimin e misionit, Kryqi i Kuq i RMV-së i ndau çmimin “Medel”.

Kryqi i Kuq i RMV shpreh falënderim për h. Limak për përkrahjen e tyre në organizimin e ngjarjes si kompani me përgjegjësi shoqërore.

< kthehu mbrapa