Dita botërore e dhurimit të gjakut – 14 Qershor 2022

14 Qershori 2022 do të shënojë Ditën botërore të dhurimit të gjakut. Çdo vit, vendet në mbarë botën festojnë Ditën botërore të dhurimit të gjakut. Veprimtaria synon të rrisë ndërgjegjësimin për nevojën për gjak të sigurt dhe përbërës të gjakut dhe të shprehë mirënjohjen ndaj dhuruesve vullnetarë dhe të papaguar të gjakut për gjakun e dhuruar që do të thotë jetë të shpëtuar. Në kuadër të Federatës Ndërkombëtare të Shoqatave të Kryqit të Kuq dhe Gjysmëhënës së Kuqe, festimi i Ditës botërore të dhurimit të gjakut është i ndryshëm në shoqatat kombëtare.

Tema e këtij viti për Ditën botërore të dhurimit të gjakut 2022 është marrë përsipër nga Organizata Botërore e Shëndetësisë dhe është nën moton “Dhurimi i gjakut është një akt solidariteti. Bashkojuni përpjekjes dhe shpëtoni jetë “për të theksuar rolin e dhurimit vullnetar të gjakut për të shpëtuar jetë dhe për të forcuar solidaritetin në komunitet.