9 Maj, 2023

Fjalim me rastin e 8 majit, Ditës Botërore të Kryqit të Kuq dhe Gjysmëhënës së Kuqe

Të nderuar

 

Çdo gjë që bëjmë – e bëjmë “Nga Zemra”. Ky mesazh që po ndajmë sot me rastin e 8 majit, Ditës Botërore të Kryqit të Kuq dhe Gjysmëhënës së Kuqe pasqyron angazhimet dhe idealet më të sinqerta të të gjithë Lëvizjes së Kryqit të Kuq dhe Gjysmëhënës së Kuqe, e cila që nga themelimi e deri më sot promovon humanizmin dhe solidaritetin, respektin reciprok dhe tolerancën e mbështetjen e sinqertë për të gjithë ata që e gjejnë veten në një pozitë të palakmueshme si pasojë e luftërave, konflikteve, fatkeqësive natyrore dhe aksidenteve, migrimeve, sëmundjeve, varfërisë etj.

Si organizatë, jemi veçanërisht krenarë që për 78 vjet po kryejmë me dinjitet misionin tonë, duke bashkuar iniciativat dhe humanizmin e të rinjve dhe të moshuarve, të njerëzve që kanë dhe duan të ndihmojnë dhe atyre që nuk kanë dhe përballen me një sërë sfidash. Gjithashtu, na jep kënaqësi të veçantë që puna jonë ka gjithmonë mirëkuptim dhe përkrahje nga institucionet shtetërore, kompanitë dhe organizatat ndërkombëtare që e njohin Kryqin e Kuq të Republikës së Maqedonisë së Veriut si partner që punon në interes të qytetarëve, gjithmonë i gatshëm nga zemra për të dhënë më të mirën nga ne, në mënyrë që mjedisi ynë shoqëror ta bëjmë një vend më të këndshëm për të jetuar të gjithë qytetarët e Republikës së Maqedonisë së Veriut.

Jemi të lumtur që interesi për vullnetarizëm dhe anëtarësim në organizatën tonë është vazhdimisht në rritje dhe që njerëzit besojnë se përmes përfshirjes së tyre në Kryqin e Kuq ata mund të ndjejnë ende të njëjtat vlera dhe parime humanitare që shënojnë 160 vitet e ekzistencës së Kryqit të Kuq Ndërkombëtar dhe Gjysmëhënës së Kuqe.

Ne kemi besim se të gjithë këta të rinj që janë sot këtu me ne dhe mbajnë simbolet e Kryqit të Kuq, në frymën e motos sonë, e duan organizatën tonë nga thellësia e zemrës dhe e marrin kohën e lirë nga zemra për ta shtrirë dorën dhe të ndihmojë të gjithë ata që kanë nevojë për mbështetje.

Edhe pse zemra është shumë e vogël, ajo ka shumë vend për dashuri dhe humanizëm. Ndërsa në Kryqin e Kuq, ashtu si në zemër, ka gjithmonë shumë vend për të gjithë njerëzit që duan të ndihmojnë, që duan të bëjnë miq, që duan të ushqejnë humanizmin dhe mirëqenien e njerëzve përreth nesh. Aktiviteti i sotëm le të jetë një ftesë për të gjithë njerëzit për t’iu bashkuar Kryqit të Kuq, ku ushqehen vlerat njerëzore, me respekt të sinqertë për dallimet tona. Dhe ne gjithmonë e bëjmë këtë nga zemra.

Në fund, më lejoni t’i uroj të gjithë vullnetarët, anëtarët dhe mbështetësit tanë për 8 majin Ditën Botërore të Kryqit të Kuq dhe Gjysmëhënës së Kuqe dhe t’ju uroj shumë suksese në realizimin e nismave tuaja humanitare.

 

Ju falemnderit për vëmendjen!

< kthehu mbrapa