Логистичка поддршка на екипите при справувањето со пожарите

Мобилните екипи на Црвениот крст на РСМ се активно вклучени во логистичкиот дел од гасењето на пожарите на територија на цела држава.

Пожарот кој избувна вчера во попладневните часови, на територијата на општина Старо Нагоричане, во атарот на с. Челопек, во координација на Главниот штаб за управување со кризи, денес рано наутро волонтерите на Црвениот крст во непосредна близина на пожарот поставија танк (мобилен базен) кој се полни со вода од блиската река Пчиња а од кој хеликоптерот црпи вода и на тој начин прави многу повеќе налети и истура значително повеќе вода врз огнените точки отколку кога би летал и полнел вода од најблиската постоечка водена површина. Длабочината на реката Пчиња не е доволна за хеликоптерот да полни вода директно од неа.