Спроведена работилница за подготовка на проекти за „Фонд за развој и проекти“

Во периодот 08-10.11.2024 година во х. Солферино во Струга, се одржа обука за подготовка на проекти за „Фонд за развој и проекти“. Обуката беше наменета за претставници од 8 Општински организации Црвен крст кои досега имаат искажано интерес за дополнителна надградба или имаат поднесувано проектни апликации на повиците за поддршка во рамките на Фондот за развој.

За време на обуката се претставуваа критериумите и условите за аплицирање дефинирани во Правилникот за работа на Фондот за развој и проекти на ЦКРСМ, се разработуваа форматите за подготовка на предлог проект и предлог буџет за проект, и се споделуваат позитивни примери и искуства од поддржани проекти од „Фондот за развој и проекти“ во изминатите години.

На работилницата од општинските организации учествуваа вработени и волонтери од ООЦК Гостивар, Кочани, Радовиш, Свети Николе, Пробиштип, Штип, Берово и Крива Паланка.

Преку примена на интерактивни методи се разработуваа теми поврзани со развојот на општинските организации во делот на поддршка на иницијативи за зголемување на членството, бројот на волонтерите или одржување на финансиска стабилност.

На учесниците им беше претставен и пристапот на Меѓународната Федерација на друштвата на Црвен крст и Црвена полумесечина за „Процес на планирање на проекти“ како и преведените прирачници за подготовка на проекти на македонски јазик.