Благодарници за нашите средношколци херои

Црвениот крст на РСМ во соработка со ИТМ и во време на пандемија организираа крводарителски акции во средните училишта на територија на Град Скопје. По тој повод средните училишта “Васил Антевски Дрен”,”Панче Караѓозов”, “Цветан Димов” и “Орце Николов” кои имаа најголем број на крводарители добија благодарници, за несебичната поддршка при организирањето на крводарителските акции. Благодарници добија и градоначалникот Петре Шилегов и раководителката на Секторот за образование Даниела Адамова, но најголема благодарница добија учениците од сите средни училишта кои покажаа висок чин на хуманост и алтруизам,дарувајки крв.