Ден на Дирекција за заштита и спасување

По повод 13 години од формирање на Дирекцијата за заштита и спасување, на 14 мај се одржа конститутивна седница на Републичкиот Штаб за заштита и спасување а како член на Штабот со одлука на Влада на РМ е назначен Генералниот секретар на Црвен крст на Република Македонија, д-р Саит Саити.

По завршување на конститутивната седница на Републичкиот Штаб за заштита и спасување во касарната “Гоце Делчев” во населба Аеродром, се одржа смотра на силите за брзи интервенции во случај на катастрофи. Црвен крст на Република Македонија учествуваше со тимот за вода и санитација и станицата за прочистување на вода како и со медицинско возило и тим на парамедици.

На свеченоста на присутните им се обрати Директорот на Дирекцијата за заштита и спасување, господин Аднан Џафероски и Потпретседателот на Владата на Република Македонија, господин Оливер Спасовски.