Пехар за Општинската организација на Црвен крст Пробиштип

На 18 јуни 2024 година во Пробиштип во полна кино сала беше организирано доделување на ПХВ пехар за 2024 година. Првото место и пехар им се додели на Црвен крст Пробиштип. Младите од овој град изработиле 6 проекти од кои 5 беа оценети со сонце, односно проекти со трајни промени.

Второто место го делаат Општинската организација на Црвен крст Карпош, Гостивар, Куманово и Охрид кои имаат изработено по 3 проекти кои се оценети со сонце.

На настанот се обрати градоначалникот на Пробиштип г-дин Драган Анастасов како и генералниот секретар на Црвен крст на РСМ г-дин Саит Саити кој заедно со Раководниот одбор даваат поддршка за имплементација на програмата.

Оваа година во програмата беа вклучени 1.090 млади кои изработиле 169 проекти преку кои им помогнале на 4.171 лице.

Честитки за сите вклучени во овогодишниот ПХВ циклус за постигнати резултати на локално, а со тоа и на национално ниво.