Посета на делегации на Меѓународниот Комитет на Црвен крст и Меѓународната Федерација на Црвен крст и Црвена полумесечина

Во периодот од 11.04 до 12.04 2017 година, Црвениот крст на Република Македонија беше посетен од делегација на Меѓународниот Комитет на Црвен крст предводен од шефот на Регионалната Канцеларија на Меѓународниот Комитет на Црвен крст од Белград Јелена Стајачиќ и делегација на Меѓународната Федерација на Црвен крст и Црвена полумесечина од Европската Регионална Канцеларија од Будимпешта предводена од Мете Петерсен, координатор за регионот  и Кристоф Лобри Буланжер, раководител на одделот за миграции.

Претставниците од Движењето остварија повеќе средба со стручните соработници на соодветните програми во Црвениот крст на Република Македонија, и беа примени од страна на Генералниот секретар на Црвениот крст на Република Македонија Саит Саити.  Цел на посетата беше да се продискутира тековната состојба со миграциите во регионот како и обезбедување на поддршка за надградба на капацитети на националното друштво. Претставниците на Движењето ги истакнаа своето задоволство од соработката со Црвениот крст на Република Македонија и најавија програмска поддршка во повеќе сфери во тековната 2017 година како и систематска и континуирана поддршка на програмата за помош на мигранти и ирегуларни мигранти кои поминуваат низ државата. Во разговорите исто така стана збор и околу претстојните подготовки за одржување на статутарните состаноци на Движењето.

Генералниот секретар д-р Саит Саити ги претстави тековните активности на националното друштво и изрази благодарност за севкупната поддршка која ја добива Црвениот крст на Република Македонија од Меѓународниот Комитет на Црвен крст и Меѓународната Федерација.