Примена на стандардите за брендирање на Црвен крст на РМ

Црвен крст на Република Македонија во рамки на планираните работилници за примена на Стандардите за брендирање на Црвен крст на РМ со акцент на насоките за употреба на стадардите за брендирање на Црвен крст на Република Македонија, на 03.07.2015 година одржа рабoтилница со претставници на Црвен крст на град Скопје и Општински организации на Црвен крст.

Целта на работилницата беше унифицираната примена на стандардите за брендирање од страна на сите субјекти во организацијата за придонес кон функционално единство, унифициран дизајн, видливост и препознатливост во земјата, но и пошироко.

Стандардите за брендирање на националното друштво ја имаат улогата на пропишани правила за изедначен облик, големина, квалитет, контрола и начин на следење на примената на логото на Црвен крст на Република Македонија.

Учесниците дадоа голем придонес во дискусијата која се водеше за оперативната примена на Стандардите за брендирање на Црвен крст на РМ и изразија задоволство за ваков вид на интерактивна работилница, каде доаѓаат до израз предлозите,сугестиите, забелешките, кои ќе се земаат во предвид во надградба на документот.