5 – ТИ ДЕКЕМВРИ – СВЕТСКИОТ ДЕН НА ВОЛОНТЕРСТВОТО
Црвениот крст на Република Македонија како и секоја година, така и денес го одбележа 5ти декември, Светскиот ден на волонтерство кој го прославуваат над 17 милиони волонтери од целиот свет во рамките на Движењето на Црвениот крст и Црвената полумесечина. Свечениот настан се одржа во просториите на Музеј на град Скопје. Волонтирањето претставува исклучително значаен сегмент на заедниците насекаде во светот. Придонесот на волонтерите го подобрува животот на ранливото население со кое работат и го подобрува животот на волонтерите и нивните заедници.
На свечениот настан, свое обраќање имаше претседателот на Црвениот крст на Република Македонија, Др. Милчо Трајков кој во свое име и и во името на Црвениот крст на Република Македонија им го честита Светскиот ден на волонтерството на сите волонтери. Тој истакна дека сите овие волонтери, преку Црвениот крст на Република Македонија, се присутни и активно делуваат во сите сфери на општественото живеење. ,,Црвениот крст на Република Македонија се гордее што во своите редови има 3400 активни волонтери и над 7800 регистрирани членови со што официјално е најголемата хуманитарна организација во државата “Со цел националното друштво да може ефективно да ја мобилизира заедницата, тоа мора да одговори на очигледните потреби кои се таму присутни.
Во продолжение на свечениот настан, Претседателот на Црвениот крст на Република Македонија, Др. Милчо Трајков, врачи благодарници за волонтерски достигнувања и поебни заслуги во остварувањето на целите и задачите на Црвениот крст на Република Македонија на: Roger Doan Van Hay, Владимир Цветковски, Александра Василевска, Един Халим, Кире Доновски, Марјанчо Ангелковски и Фаик Алили.
