Активности за поголема безбедност на пензионерите во сообраќајот

РСБСП во соработка со Црвениот крст и МВР во рамки на кампањата за поголема безбедност на ранливите групи во сообраќајот, реализираше промотивно-едукативен настан кој имаше за цел да ја подигне свеста кај пензионерите за нивно учество во сообраќајот.

Настанот симболично беше организиран на улицата кај Зеленото пазарче што преставува точка каде што пензионерите најчесто непрописно преминуваат преку улицата.

Во пензионерскиот клуб во Тафталиџе, се одржа и едукативна средба на пензионерите од општина Карпош со Републичкиот совет за безбедност во сообраќајот, МВР, Црвениот крст на Р.М, и градоначалникот на општина Карпош во рамките на кампањата за поголема безбедност на ранливите групи, пензионерите.

Целта на денешната средба беше запознавањето на дел од практичните совети како пензионерите да бидат посовесни пешаци и подигнување на свеста кај граѓаните од третото доба за нивна поголема безбедност. Истите имаа можност да се запознаат и со апликацијата за прва помош за мобилни телефони која е подготвена со цел да им помогне на граѓаните во укажување на прва помош, како и да се вклучат активно со свои совети и предлози.