Честит 8 Март

Во име на Црвениот крст на Република Северна Македонија, Ви го честитаме 8 Март, Меѓународниот ден на жената.

Денес, повеќе од било кога, важно е да се потсетиме дека правата кои ги ужива современата жена не се едноставно стекнати, туку дека за нив жените се избориле, а таа борба не била ни најмалку лесна.

Затоа Ве поттикнуваме да останете доследни во својата упорност за рамноправно и балансирано учество во јавниот, општествениот и економскиот живот и во државата.

Ви посакуваме добро здравје, лична среќа и успех во приватниот и професионалниот живот.