Црвен крст на РМ обезбедува поддршка на мигрантите и бегалците

Црвен крст на Рeпублика Македонија во партнерство со Високиот комесаријат за бегалци (УНХЦР) и Меѓународната Федерација на Црвен крст и Црвена полумесечина, како и во соработка со домашните поддржувачи и компании, активно е вклучен во поддршката на бегалците кои транзитираат низ нашата земја.

Црвен крст на Рeпублика Македонија на двата гранични премини во Гевгелија и во Табановце е на терен 24 часа со 11 мобилни тима во поддршката на бегалците кои транзитираат низ нашата земја.

Вкупниот број на лица во тимовите изнесува 240 кои се составени од вработени, лекари и пaрамедици ,членови, волонтери на Црвениот крст, кои се обучени за работа во Службата за барање на изчезнати лица при Црвениот крст.

Црвен крст на Рeпублика Македонија во период 15-21 февруари дистрибуираше: 4.332 шишиња вода за пиење, 519 пакети со прехрамбени продукти, 646 пакети со хигиенски средства, 1.320 мантили за дожд, 1.250 шал, капа и ракавици, 863 јакни, 233 чизми, 2.176 ќебиња, 3.650 порции чај, 2.998 порции супа, 310 ранци, 864 парчиња чокочадно млеко,1 269 долна облека и на 2.170 лица им беше укажана прва помош.