Црвен крст на РМ обезбедуваа поддршка на мигрантите

Црвен крст на Рeпублика Македонија во соработка со Високиот комесаријат за бегалци (УНХЦР) и други партнери и подржувачи активно е вклучен во поддршката на мигрантите кои транзитираат низ нашата земја.

Црвениот крст на терен е вклучен 24 часа со 9 мобилни тима кои ги обезбедуваат двата гранични премини во Гевгелија и во Табановце. Тимовите се составени од лекари и прамедикуси и членови на Црвениот крст кои одлично ја познаваат првата помош. Вкупниот број на лица во тимовите изнесува 41, а во целата операција се вклучени и 30 вработени од Црвен крст.

Во период од 13-21 септември дистрибуирани се: 20.637 шишиња (1,5 л) вода за пиење, 843 пакети со прехрамбени продукти, 205 пакети со хигиенски средства, 230 пакети за бебиња,468 парлиња пелени за бебиња, 660 ќебиња, 328 пакети со бисквити, 2 инвалидски колички и на 5580 лица им беше укажана прва помош.