Црвениот крст на Република Македонија додели „Сребрен подрджувач˝ и „Бронзен поддржувач˝

[responsive][/responsive]

Признанија Сребрен подрджувач˝ и „Бронзен поддржувач ˝ во знак на благодарност на партнерите и соработниците за остварената плодна соработка и поддршка, беа доделени од страна на Црвен крст на Република Македонија на официјалната свеченост која се одржа на 11.12.2014 година во 11:00 часот во просториите на Црвен крст на Република Македонија. Пред доделувањето на признанијата свое обраќање имаше г-дин Саит Саити – Генерален секретар на Црвен крст на Република Македонија кој истакна дека: Реализиравме бројни активности и општествени иницијативи во интерес на различни целни групи. Влеговме во многу домови и стигнавме до многу луѓе на кои за момент им требаше нашата помош. Спроведовме, активности за подобрување на социјализацијата на децата и младите со посебни потреби, активности за зајакнување на капацитетите на ранливите целни групи за подобра социјална интеграција, активности за подигање на јавната свест за помош и поддршка на старите лица, грижа за бездомни лица и други хуманитарни активности. Заедно со вас продолжуваме да обезбедуваме релевантна и навремена хуманитарна помош и сме посветени и обврзани да го правиме тоа сега и во иднина. Долгорочна определба на Црвениот крст на Република Македонија е остварување на соработка и градење на стратешки партнерства со голем број компании во земјата за заеднички придонес во намалување на ранливоста на населението во заедницата. На настанот во име на Министерството за економија на Република Македонија исто така се обрати и шефот на кабинетот г-дин Авни Калаба, кој ја потенцираше значајната улога на Црвениот крст во унапредувањето на општествената одговорност кај претпријатијата од сите области и дејности. Во знак на благодарност за поддршката која ја обезбедуваат нашите партнери за имплементација на општествено социјални проекти и хуманитарни активности, Црвениот крст на РМ трета година додели признанија и тоа: Сребрен поддржувач на Алфа Банка А.Д Скопје, Сребрен поддржувач на Комфи Ангел ДОО Прилеп, Бронзен поддржувач на Фершѓед А.Д Скопје, Бронзен поддржувач на Македонска пошта и благодарница на ЕРА групација Сккопски Саем.