Доделена помош од компанијата ВИТАЛИА

Компанијата ВИТАЛИА донираше 4 тони свои производи на Црвениот крст на Република Македонија за реализирање на хуманитарни цели, со што уште еднаш ја потврди својата позиција на општествено одговорна компанија посветена на активности кои имаат пошироко значење за заедницата. Со оваа значајна донација, покрај тоа што се обезбедуваат илјадници оброци за граѓаните од ранлива категорија, се покренува и свесноста за полињата во кои една компанија може да биде хумана, и се надеваме дека и останатите прехранбени компании во нашата држава ќе го следат овој пример. Изразуваме голема благодарност кон ВИТАЛИА за обезбедената поддршка во задоволување на потребите на ранливото население.