Државниот секретар за европски прашања во Министерството за надворешни работи и меѓународен развој на Р.Франција Арлем Дезир на посета на граничниот премин Табановце

На 02.09.2015 на железничкиот премин Табановце македонско-српската граница, каде тразитираат миграните беше на посета државниот секретар за европски прашања во Министерството за надворешни работи и меѓународен развој на Р. Франција г-дин Арлем Дезир. Во негова придружба беа генералниот секретар на Црвениот крст на РМ г-дин Саит Саити, амбасадорката на Француската амбасада во Скопје г-ѓа Лоренц Оер, г-дин Мохамед Ариф претставник од Канцеларијата на високиот комесаријат за бегалци на Обединетите нации во Скопје и државниот секретар на Министерството за внатрешни работи на Република Македонија г-ѓа Анастасија Илиеска. Генералниот секретар на Црвениот крст на РМ г-дин Саит Саити, државниот секретар Дезир и останатите ги информираше за мобилните тимови на Црвениот крст на Република Македонија кои 24 часа обезбедуваат поддршка и хуманитарна помош на мигрантите на граничните премини кај Гевгелија и Табановце.