Хуманитарна акција „Да споделиме радост“

Црвениот крст на Република Северна Македонија во соработка и со поддршка на ЕВН АД Скопје и оваа година организира хуманитарна акција „Да споделиме радост“.  Во рамките на акцијата обезбедени се 650 Новогодишни пакетчиња  за деца од  семејства во социјален ризик и деца со попреченост. Подароците ќе се поделат преку Црвениот крст на град Скопје и Општинските организации на Црвен крст Битола, Гостивар, Куманово, Кичево, Струга и Штип. Целта на оваа акција е да се подари насмевка и радост на децаta, како и  да се споделат среќни моменти  за Новогодишните празници.

Дистрибуицијата на Новогодишните пакетчиња за децата ќе биде организирана до нивните домови, а ќе биде реализирана од страна на волонтерите на Црвениот крст.