Недела за борба против трговија со луѓе

Црвениот крст на Република Македонија и оваа година од 2 до 9 декември  ќе се вклучи во одбележувањето на „Неделата на борба против трговија со луѓе“ .   Во рамките на превентивните активности ќе  се организираат работилници за врсничка едукација на млади во основни и средни училишта кои ќе се спроведат преку  Црвениот крст на град Скопје и  општинските организации на Црвен крст Битола, Штип, Кавадарци, Дебар и Струга. Превентивните лекции имаат за цел подигање на свеста на младите, препознавање на  начините преку кои младите  можат да бидат вовлечени во трговијата со луѓе и нивна самозаштита. Во текот на неделата од 2 – 9 декември,  во ТЦ Рамстор ќе биде  поставен штанд на кој младите волонтери на Црвениот крст на град Скопје ќе дистрибуираат промотивни  материјали.   Во текот на неделата ќе бидат организирани вкупно 7 едукативни работилници со кои ќе се опфатат над 170 ученици од основни и средни училишта во 6 општини во земјата.