ОБЕЗБЕДУВАЊЕ НА ТРАДИЦИОНАЛНИОТ ПРАЗНИК БОГОЈАВЛЕНИЕ ВОДИЦИ 2019

Традиционално, Црвен крст на град Скопје  и оваа година даде логистичка и медицинска поддршка во обезбедувањето на верскиот настан Богојавление Водици. Настанот се одржа на  реката Вардар, под мостот Слобода и на истиот  зедоа учество 140 верници.

Имајќи ги предвид ниските температури  на вода на рeкaта Вардар, оваа година успешното и безбедно се одвиваше настанот . За безбедноста на учесниците  во вода беа задолжени 40 волонтери и вработени на Црвен крст на град Скопје, екипи на Центарот за безбедност на вода  кои заедно со Тимот за спасување на планина поставија систем јажиња  и спасителен чамец  со спасители во неопрени кои беа подготвени да вадат потенцијални давеници од ладните води на  Вардар.

Екипите на Тимот за одговор при катастрофи поставија и тријажни центри  и пружија поддршка на спасителите од брегот. На настанот,  беа евидентирани 10 интервенции кои за среќа беа успешно санирани.