Одбележан 14 Јуни – Светскиот ден на крводарителство

Под мотото  Крвта не спојува сите нас– Сподели живот, дарувај крв!, Црвениот крст на РМ, Црвен крст на град Скопје во соработка со Институтот за Трансфузиона медицина, и оваа година се вклучи во одбележување на 14 Јуни, Светски ден на крводарителство.

Централниот настан се реализираше во ГТЦ Скопје, каде беше поставена изложба на креативи/ постер решенија произлезени од објавениот конкурс во соработка со  здружението на графички дизајнери „ Плакарт“, за изработка на идејно решение на тема  „Дарување крв, младост, хуманост„ , чија цел е промоција на крводарителството, мотивирање и поттикнување на младите. Активноста е дел од проектот „Училишни клубови за едукација и превенција“ поддржан од Трансмет- Скопје. Беа изложени 33 идејни решенија, а истите се од интернационален карактер (Македонија, Индија, Кина, Иран, Еквадор, Полска, Австралија). На настанот, присутни беа волонтерите од Клуб 25 и крводарители од Клуб на крводарители на Црвен крст на град Скопје. Волонтерите поделија информативни и едукативни материјали на минувачите, а екипа од Институтот за Трансфузиона медицина одредуваше крвна група на заинтересираните граѓани и случајните минувачи.

Беше организиран и квиз за посетителите на настанот, со награди како мотивација за оние кои знаат најмногу за крводарителството.

Настанот беше проследен од голем број на медиуми и истите го промовираа во електронските и пишаните медиуми.