Посета на делегација на Бирото за јавна безбедност

На 20.09.2019 Црвениот крст на Република Северна Македонија беше посетен од делегација на Бирото за јавна безбедност. Делегацијата ја предводеше директорот г-дин Сашо Тасевски од Бирото за јавна безбедност каде беше примена од генералниот секретар на Црвен крст на Македонија, д-р Саит Саити и дел од стручната служба.

На делегацијата му беше претставена работата на Црвениот крст на Република Македонија, сервисите кои ги обезбедува националното друштво во државата, формите на финансирање и клучните активности на организацијата.

Беше дискутирана можност и за конкретна соработка со Бирото за јавна безбедност во делот на првата помош, меѓународното хуманитарно, крводарителството, подготвеност и дејствување при катастрофи и др.