Посета на делегација на Бугарски Црвен крст во Црвен крст на Република Македонија

Во периодот од 23 до 25 Октомври, 2017 година во посета на Црвен крст на Република Македонија е делегација од Бугарски Црвен крст во состав: Академик д-р Христо Григоров, Претседател на Бугарски Црвен крст; Проф.д-р Красимир Гигов, Генерален директор на Бугарски Црвен крст; Преслава Лилова, Раководител на одделот за Меѓународна соработка на Бугарски Црвен крст и г-дин Калчо Хивов, надворешен соработник.

Делегацијата оствари посета во централната канцеларија на Црвениот крст на Република Македонија, каде што реализираше средба со генералниот секретар на Црвениот крст на Република Македонија, д-р Саит Саити и претседателот на Црвениот крст на Република Македонија проф.д-р Ромел Велев.

На средбата се разменија досегашни искуства и практики во работењето на двете Национални друштва и се дискутираше за  предлог програмата за соработка помеѓу Црвениот крст на Република Македонија и Бугарскиот Црвен крст за 2018 година во делот на крводарителство, прва помош, катастрофи, издавачка дејност и информирање, младите и волонтерите, меѓународна соработка и подготовка на заеднички Европски проекти во различни програмски дејности и социјално хуманитарната дејност

Делегацијата ја продолжи својата посета во Црвениот крст на град Скопје, каде беа посетени и Дневниот центар за дарување на крв “Даре Џамбаз“, Дневниот центар за стари лица, пунктот за бездомници и логистичкиот центар на Црвениот крст на Република Македонија.