Посета на делегација од Меѓународната федерација на Црвен крст и Црвена полумесечина во Црвен крст на општинска организација Охрид

Делегација од Меѓународната федерација на Црвен крст и Црвена полумесечина во состав од: г-дин Сајмон Мисири, регионален директор на Меѓународната федерација на Црвен крст и Црвена полумесечина за Европа, и Мете Петерсон, раководителот на регионалниот кластер се во тридневна посета на Република Македонија во период од 30ти Август до 1ви Септември 2017 година

 За време на нивната посета во нашата земја, на 31ви Август тие заедно со Генералниот секретар на Црвен крст на РМ, г-дин Саит Саити, го посетија Црвениот крст во Охрид, каде беа пречекани од претседателот на Црвениот крст во Охрид, г-дин Сашо Точков. На средбата се дискутираше за бројните активности кои Црвен крст Охрид ги реализира со посебен акцент на активностите на Центарот за безбедност на вода. Последователно беше изведена и демонстративна вежба на спасителите на вода со прикажување на техники на спасување на давеник од копно и од чамец.