Посета на извршниот претседател на Црвениот крст на Хрватска на Црвениот крст на Република Македонија

На 14 септември 2015 година во посета на Црвениот крст на Република Македонија е извршниот претседател на Црвениот крст на Хрватска, г.дин   Роберт Маркт.

Генералниот секретар г-дин Саит Саити го запозна гостинот со клучните активности на Црвениот крст на Република Македонија кои се реализираат на домашен и меѓународен план, а пред се со плодната соработка со Хрватскиот Црвен крст во изминатиот период. Посебен акцент е ставен на активностите кои се преземаат за поддршка и помош на мигрантите кои транзитираат низ нашата држава.

Извршниот претседател на Црвениот крст на Хрватска г.дин   Маркт истакна дека ќе даде свој придонес во унапредувањето на соработката помеѓу двете организации со размена на искуства.

Во текот на денот ќе биде извршена посета на Црвениот крст на град Скопје каде ќе биде посебно запознат со работата на дневниот центар за дарување на крв и дневниот центар за стари лица кои се сместени во ДХО Даре Џамбаз – Скопје