октомври 8, 2015

ПОСЕТА НА ПРЕТСТАВНИЦИ ОД МФЦК/ЦП НА ЦРВЕНИОТ КРСТ НА РЕПУБЛИКА МАКЕДОНИЈА

Од 05 до 08 октомври 2015 година во посета на Црвениот крст на Република Македонија беа претставници од Меѓународната Федерација на Црвен крст и Црвена полумесечина, Caroline Haga – делегат за комуникации во итни состојби, Mariam Cone координатор за здравство во итни состојби и Alma Alsayed – висок службеник за менаџмент со катастрофи.

Претставниците ги посетија и двата гранични премини кај Гевгелија и Табановце кои беа од блиску запознаени со моменталната состојба со мигранитите кои тразитираат низ нашата држава и како нашето националното друшво се справува со овој предизвик.

Претставниците на МФЦК/ЦП имаа средба и со генералниот секретар на Црвениот крст на Република Македонија г-дин Саит Саити каде ги запозна со клучните активности на Црвениот крст на Република Македонија кои се реализираат за поддршка и помош на мигрантите.

< врати се назад