Посета на претставник на Турската Црвена Полумесечина

На 22.04.2022 година, во Црвениот крст на Република Северна Македонија се одржа средба помеѓу Генералниот секретар на ЦКРСМ д-р Саит Саити и г-дин Надир Тулек, претставник на Турската Црвена Полумесечина и одговорно лице за соработка во регионите на Европа и Америка.

На посетата г-дин Надир Тулек, информираше за активностите кои Турската Црвена Полумесечина ги имплементира во регионот, како и резултатите од досегашните активности во Република Северна Македонија.

Турската Црвена Полумесечина во изминатите денови подели 350 пакети со храна на социјално-загрозени семејства во околината на Радовиш, и искажана беше обострана интенција за развој на соработката и имплементација на заеднички активности.