октомври 4, 2018

Работна средба помеѓу претставници на СЗО-канцеларија Скопје и Црвен крст на Македонија

На иницијатива на претседателот на Црвениот крст на Р Македонија (ЦКРМ) проф. Д-р Роман Велев денес беше реализирана работна средба со претставникот и  шеф на Светската здравствена организација во Скопје Др. Жихан Тавила

На средбата претседателот проф. Д-р Велев и Др. Тавила разменија мислења и информации за досегашната и идна соработка помеѓу овие две организации,и ја истакна подготвеноста на Црвениот крст на Р Македонија за натамошно унапредување на соработката во насока на придонес кон унапредување на здравствениот систем во нашата земја.

Во оваа насока беа идентификувани неколку приоритетни области за дејствување во иднина, кои се од заеднички интерес на двете организации, земајќи ги притоа во предвид актуелните услови и приоритети во рамки на здравствената политика на нашата земја.

< врати се назад