СПОРТСКО-РЕКРЕАТИВНИ ИГРИ НА КРВОДАРИТЕЛИ 2018 ГОДИНА

Во организација на Клубот на крводарители на Црвен крст на град Скопје во периодот од 04-06 мај 2018 година во хотелот на МВР во Крани – Преспа се одржаа традиционалните 10-ти по ред Спортско-рекреативни игри на крводарители.

На спортско-рекреативните игри учество земаа седум екипи со преку 130 натпреварувачи и тоа : Клуб на крводарители на Црвен крст на град Скопје, АД ОКТА Рафинерија, АД Макпетрол, АД Комерцијална банка, ЈСП – Скопје, Баргала – Штип и АРМ. Екипите се натреваруваа во следните дисциплини за мажи и жени : трчање на 50 метри, трчање во вреќа на 25 метри, скок во далечина од место, фрлање ѓуле, пинг понг, пикадо, шах, шутирање на кош тројки и екипно во влечење на јаже.

На првото место во екипна конкуренција со освоени 39 бодови се пласира екипата на ЈСП – Скопје, второто место со освоени 33 бодови го поделија екипите на АД Макпетрол и Баргала – Штип, а потоа следеа екипите на АД Комерцијална банка со 23 бодови, АРМ со 12 бодови, АД ОКТА Рафинерија со 9 бодови и Клубот на крводарители на Црвен крст на град Скопје со 4 бодови. На победничката екипа на натпреварите им беше доделен пехар,а за сите дисцилини за освоено I, II и III место беа доделени благодарници.

Спортско-рекреативните игри поминаа во исклучително позитивна спортска атмосфера, со добро подготвени екипи и поединци натпреварувачи, со меѓусебно  дружење и одлична забава.