Спроведена работилница за тим билдинг

Црвениот крст на Република Македонија од 10 до 12 февруари 2018 година во Центарот за кадри и рекреација на Црвениот крст „Солферино“ во Струга, одржа работилница за тим билдинг.

Целта на тим билдингот кој го организираме е градење на подобар и кохезивен тим, кој може да работи како еден при извршување на секојдневните задачи и работа под притисок, подобра соработка и развој на тимски дух помеѓу членовите на тимот и подигнување на нивото на мотивацијата. Иако Црвениот крст има одличен искусен, енергичен и кохезивен тим, нашето мото е дека секогаш можеме подобро кон развој и создавање на совршен тим истакна генералниот секретар д-р Саит Саити.

Тридневната работилница беше составена од различни рекреативни, забавни активности и предлози за подобрување на комуникацијата со потенцијалните и постоечките капацитети, а на крај беа презентирани очекуваните резултати, и идните развојни активности на Црвен крст согласно мисијата, визијата и целите кон кој се стреми Црвен крст.