декември 17, 2021

Средба на Претседателот на Црвен крст на РСМ д-р Ромел Велев со Амбасадорката на Република Хрватска Нивес Тигањ

Во просториите на Амбасадата на Република Хрватска, на 17.12.2021 година се оствари средба помеѓу Претседателот на Црвениот крст на Република Северна Македонија, д-р. Ромел Велев, и Амбасадорката на Република Хрватска, Нивес Тигањ. За време на средбата беше доделена Благодарница од Хрватскиот Црвен крст за донација и поддршка во справување со предизвиците и последователните последици од кризата со земјотресот од 29.12.2020 година во Сисак.

На приемот во Амбасадата на Хрватска се дискутираше за досегашната соработка кон дејствување во итни состојби и катастрофи, а беа споделени и тековни проекти на Црвениот крст како „Соседите помагаат први“ кои дополнително ја промовираат солидарноста и меѓусебната поддршка на регионално ниво.

Амбасадорката Тигањ се заблагодари на хуманитарната помош која беше обезбедена од страна на Црвен крст на РСМ, а претседателот Велев истакна дека Црвениот крст ќе продолжи со придонесува таму каде сме најпотребни.

< врати се назад