Уметникот Љубе Алексовски донираше 20 свои уметнички дела на Црвениот крст

По повод одбележувањето на 75 години од основањето на Црвениот крст на РСМ и одбележувањето 40 години богато ликовно творештво, долгогодишниот волонтер на Црвениот крст и ликовен уметник Љубе Алексовски ги изложи своите дела во просториите на Културен Информативен Центар –КИЦ-Скопје. По тој повод уметникот Љубе Алексовски како хуман гест донираше 20 свои уметнички дела на Црвениот крст на РСМ.

На отварањето на изложбата на ден 11.11 2020 година, присуствуваше Генералниот секретар на Црвен крст на РСМ, д-р Саит Саити кој искажа огромна благодарност за  посветеноста во волонтерството на уметникот Љубе Алексовски, како и за неговата желба за создавање и донирање на уметнички дела, од  кои дел ќе најдат свое место во просториите на Црвениот крст, а дел од нив ќе бидат доделени на соработници и подржувачи на Црвениот крст во пригодни прилики.