ВОДИЦИ

Традиционално,  по повод христијанскиот празник Богојавление Водици на ден 19.01.2015 година, Црвениот крст на град Скопје со Единицата за одговор при катастрофи беше дел од манифестацијата со цел грижа за безбедноста на 127-те капачите кои влегуваат во водите на р. Вардар по светиот крст. На настанот ангажирани беа околу 60-тина волонтери распоредени во четири тима и тоа: Центар за безбедност на вода, Тим за одговор при катастрофи, Тим за спасување на планина и Тим на професионални доктори. Настанот помина во најдобар ред со неколку повреди кои беа успешно санирани и згрижени во шаторите за Прва помош од страна на Тимот од доктори и прва помош екипите на Тимот за одговор при катастрофи,  со што повторно Црвениот крст на град Скопје максимално професионално си ја заврши својата одговорност и обврска. Целиот процес на дејствување на Единицата за одговор при катастрофи се состоеше од претходни подготовки, координативни состаноци, проценки на терен, дејствување за време на манифестацијата и секако расчистување на теренот по завршување на истата.