Врсничка едукација за млади за доброволно крводарителство

Во рамките на Програмата за организирање и унапредување на крводарителството во РСМ, во периодот од 17-19 ноември 2023 година во Струга во хотел „Солферино“ се одржа втората работилница за врсничка едукација за млади за доброволно крводарителство.

На работилницата зедоа учество 21  учесник од Општинските организации на Црвен крст Гази Баба, Карпош, Кисела Вода, Центар, Чаир, Прилеп, Охрид, Велес, Штип, Куманово, Гостивар и од Црвен крст на Град Скопје.

Низ текот на работилницата беше организирана симулациска вежба – крводарителска акција. Беа доделени улоги на волонтери на Црвен крст за време на крводарителска акција, како и крводарители и тим во улога на службата за трансфузиона медицина.