Започна ПХВ циклус за 2018 година

На 16 и 17 јануари се одржаа работилниците  за лицата кои се избрани од страна на своите Општински организации на Црвен крст за дисеминатори во ПХВ циклусот 2018 година. Еднодневната обука имаше за цел да ги запознае дисеминаторите со програмата, да бидат обучени за држење на работилници за дисеминација и документирање како и да бидат информирани за временската рамка, за начинот на промоција на малите проекти и мотивација на младинците кои ова година ќе бидат дел од програмата. Обучени се вкупно 34 дисеминатори  од 26 Општински организации плус еден дисеминатор од Клубот на млади на Шуто Оризари и еден од Меѓународни училишта НОВА.

И ова година програмата ќе обучува младинци на возраст од 13 до 17 години и тоа по 30 младинци во Општинските организации кои ова година се пријавија да учествуваат во програмата или вкупно 900 младинци.  До 23 февруари треба да завршат сите обуки и потоа младите ќе имаат време до 20 април да ги изработат своите проекти кои ова година треба да бидат во насока на грижа за заедница, промоција на хумани вредности и социјално хуманитарните активности.