Доделени плакети за особени заслуги во управување со хуманитарни кризи и Европски придонес во отварување на хумани вредности во Република Македонија за 2016 година

По повод 9 Мај – Денот на Европа, претседателот на Европското движење во Република Македонија, Проф. д-р Милева Ѓуровска, на 11.05.2017 година му додели плакета на Генералниот секретар на Црвен крст на Република Македонија, г-дин Саит Саити, за особени заслуги во управување со хуманитарни кризи и остварување на хумани вредности во 2016 год. Исто така, плакета за Европски придонес во отварување на хумани вредности во 2016 година беше доделена на Црвениот крст на Република Македонија како хуманитарна организација која успешно и навремено реагираше на сите активности и настани кои ја одбележаа 2016 година, како што се мигрантската криза и поплавите кои ја погодија нашата земја.

Генералниот секретар на Црвен крст на Република Македонија, г-дин Саит Саити, се заблагодари за укажаната почит и чест од страна на Европското движење во Република Македонија и истакна дека вредностите за грижата на човекот, благосостојбата и почитување на различностите се заеднички вредности на Европската Унија и Организацијата на Црвениот крст. Исто така, тој додаде дека Црвениот крст на Република Македонија е отворена организација која остава простор за вклучување во разни активности на сите луѓе кои сакаат и имаат желба да помогнат и да бидат хумани.